KAMA KAWA..

Ni kawaida kwa wanaosema bila ya kusikia maana wao wanajua,pengine ikiwa hata jambo bado kuisha ikasikika na kusemekana kuwezekana.maisha yamekuwa dawa maaana watu wanaumwa bila kujua wanaumwa nini,haiwezekani kwa mwanadamu wa kawaida kujipa ugonjwa na kushindwa kujitibu,maana kama ni mawazo unawaza nini kisichowazuka?wachache waliwaza wakatengeneza magari,ikaja kwa wagunduzi kukatazwa ya kuwa watajawa na ‘stress’,hapo ikiwa inakupasa kuogopa stress,tegemea stress zaidi maana ili iwe kama kawa kuna namna yake ya kujua,hapo huwa imetendeka kwa mara ya kwanza.yaani mapema.

Kama kawa Baraka za kwangu mchache nimezipata,yatafanyika yale yaliyokusudika ikiwa ni mema mbele ya macho ya Yule aliyetuumba,na tena Baraka zenyewe zinapokuja hapo utaskia kama kawa ‘alikuja’,ikiwa mtu amekuwa zaidi ya vile vyema ilivyo,muda mwingine lazima tukubari mateso ili kuja kula raha baadaye,na Yule atakayekuja kudai hizo raha baadaye ni lazima aulizwe tabu amekula kipindi gani,maana kwa wengine taabu ni kama kawa,ikiwa kwa mgeni ana haki ya kushangaa.

Mjini joto limewaka kama kawa,na hii ikiendelea lazima kutafuta zaidi dawa,magonjwa mengine si kwamba yameshindikana bali wagunduzi bado hawajaumwa ugonjwa huo,na pengine ikiwa wameumwa basi waligundua vingine hao..maana siku hizi vikombe watu wanakunywa kama kawa si wakijiamini kwa namna wanavyotembea,ukisahau kujikwaa utaanguka kabisa.maisha ni dawa yahitaji kunywa kujiponya.

TENDA WEMA NENDA ZAKO..

Hulazimishwi kulia na wakati wewe unataka kufurahi na kucheka,swala la msingi ni kujua unapokatazwa kulia,hapa nikiwa sina maana ya kuhudhunika kwa lile linalokwaza,hakuna baya alitendalo mwanadamu zaidi ya Mungu mwenyewe kujua,maana imekuwa hata nafsi yenyewe ikajitendea mabaya ikiwa wema umezidi sana,maana binadamu umekua unayashika mabaya kuliko yale yaliyo mema ikiwa mabaya hayo yanahesabika ujiulizie mazuri ili ukayatende na uende zako,hapa mtu ukiwa na lengo la kutaka kujua,na sio kushabikia kwani unaweza kushabikia timu alafu ikawa inafungwa kila siku ni sawa na kumsaidia mtu kila siku alafu mwishoni anakufukuza kama mbwa,yakupasa kuacha kushabikia usivyovijua.

Adhabu zote yakupasa kuzitumikia kwani maumivu hujenga,lakini si katika namna ya kutaka kuishi na adhabu hiyo hata kama mema yanahitajika,mwanadamu kila siku anakuwa kwa kusikia na kuona pia unaambiwa maneno mengine siyo ya kuwaambia watoto wako wakiwa hawatakiwi kujua menigne yale,ingawaje ni vyema kumjuza mtoto ili naye akikuwa akatende yale tu yaliyo mema kwake na yakuwa wanadamu hatuna dogo yakupasa kutazama pande ya kule na huku alimradi ikufae.

Shukuru mungu yakuwa unapumua mengine ni ya dunia,songa mbele usikate tamaa kwa kwenda na bila kutenda,kwenda zako isichukulike hasira kwani kesho na kesho kutwa mjinga atafahamu kuandika na kusema shukrani,Mbinguni unaenda kwa ajili ya mazuri na mabaya yako,kama mtu unaamini kule atapata adhabu kwa mabaya yako basi ujue hayo ni ya Mungu asiyoyaruhusu wakati huu uliyasikia lakini hukuyafanyia kazi ama uliyafanyia kazi lakini si sahihi na vile ilivyotakiwa,ya binadamu yanaisha hapa hapa duniani,unapaswa kuwa mwema ili kufanikiwa vyema katika maisha yako na kuleta amani ya moyo na fikra iliyo na  mafanikio makubwa.

MAAJABU...

Kwa Mungu kila goti litapigwa,kila anayetenda atende akijua kwa maana ya kutokupiga magoti tofauti,unaweza kuwa mitamboni na kushindwa kufanya yale yanayotakiwa,pengine ukiwaza mengine ni magumu bila ya kuyapigia goti maana yamekuja yenyewe na kuonekana maajabu,kumbe maajabu ni yale yasiyo na muonekano mzuri pengine ukayashindwa au kufanya wachache kwao ndiyo ikaeleweke kama yalitendeka,imekuwa maajabu ni kitu cha kawaida na hiyo sio kwa upande wangu tu,pengine ikawa haifahamiki,haina haja ya kuumia na wakati inaonekana jambo fulani ni la ajabu,ili labda wengine wasithubutu,maana ukaambiwe ujaribu kwanza.

Katika yale yaliyo marahisi hata yale maajabu huwamo,maana mengine yanahitaji mazoea kwanza,pengine bila kudhani kudharirishwa zaidi ya kuwa shujaa,pengine ukajidharirisha mwenyewe,kwa kuangalia yaliyo ya ajabu unaweza kuona vyema,na hiyo vyema kuja na kuwa uwongo,hapo ukiwa umedanganywa na macho,maana yenyewe yanaona kila kitu,pengine yangekuwa yanachagua basi maajabu yasingeonekana ya nini sasa?

Moyo hufurahi kwa lile linalotendeka,hata likiwa chafu kwa mwengine lakini safi kwako,hii ikiwa unaye ishi ni wewe,pengine hujui kuwa na wengine wanaishi,tena siyo kama wewe wao ni kiajabu ajabu,maana ungelielewa hilo mwanzo.machache yaliyotangulia ndiyo katika yale machache ya maajabu,maana kuna maajabu mengi sana duniani hapa,ikiwa na yenyewe yaliumbwa,hayakuumbwa nasi bali yanakuwa kutokana na sisi.pengine ungalikuwa mtoto bado ungetueleza maajabu uliyotumia kuyaangalia mpaka ulipofikia umri wako,

SUBIRA HUVUTA KHERI

Kheri huletwa na mwenyezi mungu,mwanadamu ana kheri ya kuwa na pumzi ambayo humfanya akaweza vile awezavyo kwa Kheri yake Muumba,unaweza kusubiri  mpaka tumbo likauma mambo mengine hayana subira,mwanzo ukiwa mgumu haimaanishi kwamba mwishoni ni neema ikawe kwa subira na kuupoteza muda,pengine usipojua subira nyingine bado hazijafanyika,unaweza kupoteza ukisubiri tena sio sana ama ikawa kheri kwa kuwa mmoja alisubiria,leo upoteze vurugu kwa kuwa na subira,usiseme tu kama iwavyo kwa dalili ya mvua,labda ukiwa unahitaji mazao mengi kwa pale ulipoandaa shamba lako

Iwapo kusema kabla ya tendo ni dhambi na uongo usingekuwepo,dhambi nyingi tu.

usisubiri ufike muda ili uanze kudanganya vyema,haina budi kusubiria maisha na kusema Mungu atakupa,hii ikiwa wewe ndiye unaye yaendesha maisha yako kwa kuwa Kheri ulishapewa,kuendesha taratibu ni sawa na kumsubiri abiria wakati wengine wanaharaka,hivyo bora utumie mwendo kasi unaokufaa, kama umechelewa utaenda na usafiri mwengine,uyape majina na rangi ili uweze kujua,kuwepo na subira zako za kutaka kuona na kujua,vingine ukiwa na subira za kutaka kuyaona maisha magumu yako wapi kwa udanganyifu wa kulipia subira pamoja na manung'uniko.

Huu ni mwanzo,sijui unaishi unategemea kufika mpaka mwisho upi,ama unaishi kusema kwamba leo au kesho kitalika nini,pamoja na ada ya watoto,si shule tu maana hata pumzi inalipiwa siku zote.kwa walio wengi wanajua kile wanachokitafuta maana kila aliye na chake akitumie,ikiwa ni macho kuona ama akili kufikiri,mengi yanatokana ikiwa umeamua mwenyewe kufanya,yaani ni unataka nini  maishani mwako,pengine ndiyo mlengo wa maumbo na thamani tofauti tofauti,na hivyo hauzaliwi navyo ukavikuta zaidi ya kusubiri na kuona yanayojiri,pengine haina haja ya kusubiri ikiwa yanayojiri yanaletwa na wewe wenyewe.

VYOMBO..

Vingine vikiwa vinaleta habari na vengine vikiwa na kutumika kutokana na matumizi yake,hata habari ni matumizi maana imetumika kupitia hivyo,ikiwa kuna waheshimiwa wanahaki ya kuonekana katika vyombo hivyo,ikiwa ni majanga ama iwe ni namna yoyote ya kumtaka mwanadamu aweze kupata ufahamu,ufahamu ni jambo jema sana na kwa Yule anayefahamishwa ameelewa,maana ni lazima uelewe hata ya kuwa haukupanga kuelewa,hizi ni bidhaa,kuanzia pale inapoanzwa kutengenezwa mpaka inapofika,bidhaa mara nyingine huwa zinamtindo wa kuchacha na baadaye kuharibika ikiwa ni mwisho wa matumizi ya bidhaa hiyo,ni haki lakini ni dhahma kwa lile linaloendelea na kutaka faida wakati bidhaa kiujumla zimechacha,tutaharibiana matumbo hata kama ni wazi tuna njaa ya siku tatu.hazipaswi nyingine kukaa katika vyombo vya habari.

Leo utasikia waziri kafanya hili na kesho tusisikie nabii kafanya nini,hili linaashiria kutokufanya kwamba,haimaanishi watu wanakwepa majukumu yao ama vile ilivyo kwa upendeleo,hii ni namna ya vyombo vilivyoelekezwa ni vipi viweze kubeba chakula,maji,maono na masomo,pengine ikiwa kama abiria katika usafiri,na kama itatokea ajari basi hapa ndiyo tutaizungumzia yaliyojiri,vyombo vikiwa na mlengo zaidi wa mwenye chombo kuliko Yule anayeuziwa bidhaa,ama  kweli hii ni biashara,ingawa haina maana ya kushangaa,pengine ikiwa mambo ni baadhi ya yaliyopo katika chombo kilichotubeba.

Dunia ikiwa kama ni chombo mahususi ambacho kimsingi tumeweza kuwa humo,kama kutumika mpaka tunaisha,mara nyingi vyombo ni vile tunavyokuwa navyo ama tunavyoviacha baada ya sisi kuwa na hitaji la namna nyingine,pengine ikiwa .pengine tuangalie kile tunachokiweka katika chombo ali mradi kikakaa vyema,pengine hata jamii ikaelewa kama sio kueleweshwa,maana kwa vyombo vingine hata kama vimejaa watu wanapanda tu,bila kujua chombo chenyewe hakisemi,vingine hivi tunavyowaandika watu ili taarifa ziwafikie zisiwe kumchafua ali mradi ukauza,maana hao wanaochafuka wakiamua kuchafua kweli inawezekana kukosa hata mahala pa kuziweka bidhaa,ama na wao wauze hata  bidhaa zikawa hakuna.abiria jichunge..mizigo haibebwi.

MAISHA YAKO....

The purpose of life is not to be happy – but to matter, to be productive, to be useful, to have it make some difference that you have lived at all.
       - Leo Rosten, American teacher and humorist

Yaweza usitegemee yakuwa haijatokea katika maisha yako,usimtegemee mtu yoyote katika maisha yako hii ikiwa ni kauli ambayo inahitaji mtu kujiamini,kujipa nguvu na sio chuki ya kujitenga,kufikiri na kujua kama maisha unayoishi ni ya kwako peke yako,maana baadaye zisije kuwa lawama kwamba fulani anapenda pesa,hapo usipofikiri unataka mtu afe?maana na kweli njaa imekaba sana mtaani,watu wanapendeza,wanakunywa na kusaza lakini wana taabu mioyoni mwao,pengine ikiwa ni mapenzi ama ni namna ya maisha yalivyoandaliwa.

Katika maisha yako kuna mengi sana,itafika kipindi utasema sasa umekuwa,hata kama ulikuwa unajiona umekuwa,maana kuna wengine wakifanya maksudi na kuona hata aibu wa wakifanyacho,hata kama ikiwa sawa ni kutafuta pesa,lakini namna nyingine ni kutafuta pesa kwa ajili ya kuzikwa,naogopa kuwa Malaya wa maneno na mwisho wa siku wakaielewa wachache,kataa kupoteza muda wako,maana kwa lile lililopita liache liende,hakuna zuri moja katika dunia zaidi ya kile akionacho mtu,pengine wengine wakafikia hadi moyoni,unaweza kukutana na maneno mengi sana hata katika mitaa hiyo ni namna ya kukupanua ubongo,yaani experience,kwa vile mtoto alianza kusikia na atasema,wakubwa wakisikia huwa ni siri daima.

Pigana maisha ni magumu sana,napigana na ikiwa kwa kila namna,,pigana sana wanadamu hawana hiyana,maisha haya ya leo unaweza kuishi kesho na kusema unaishi maisha ya jana,yanakuja mengi sana mengine yatasemekana kumwachia maulana,tutaona mengi sana kwa kuwa bado sisi ni vijana,wazee wetu wametufundisha vile ilipofika,ni wakati wa kutumia kijiko kujaza pipa kipindi cha masika,utake usitake vyote vimekwekwa uvunguni sharti ya kufurahi ni kuinama.tukiwa kama wote vijana tuombeane kheri haya maisha yasije kutuendea mlama.

):-Benson G. Makaya

KUKOSA SIO TATIZO..

Tatizo ni kwangu maana hata muda bado unazidi kwenda,nimekosa leo nikitegemea kupata kesho,ikiwa kila mtu ana kipato chake,kwa upande wangu sijapata na ikiwa kwa upande wangu ulio kwako umepata basi uhaki kuisubiria ahadi yako kama vile ninavyoisubiri,matatizo ni namna ya kuweza kutafuta,maana kama hautafuti kwa nini una matatizo?hapo ndiyo utasikia wakisema lazima kuna mchawi hapa.maisha mchawi ni wewe,hakuna mlinzi mzuri wa mwili wako zaidi ya wewe mwenyewe,hivyo ukishindwa utajiletea matatizo,tena ‘matatizo’ ni kama ‘maisha’ maana yenyewe yana mazuri na mabaya.

Duniani ndiyo mahala pa kuishi,utasikia ikisemeka kwamba duniani maisha magumu sana ,sasa wapi rahisi,unapoona nyuki wanakukimbilia na wewe kimbia,kwa mfano wa kuku anapotakwa kuchinjwa siku yake inapofika,maana siku yako ikifika hapo utajua tatizo,tena yenyewe huwa hayana hodi wala kalenda labda siku fulani yapasa kupumzika ili kusherehekea,maana itakuwa imepatikana.pengine matatizo yako ikiwa kama ni raha ya mtu mwengine,wewe unacheka wengine wanalia.hapa ikiwa lazima ujue umekosa nini.

Tatizo ni sehemu ya maisha ya mwanadamu ikiwa ameamua kuishi,wengine wanakata tamaa kwa kuona maisha magumu,kama wale wanoenda shule na kuacha,ya kuwa shule ngumu,na bila kugunndua baadaye itasemeka ni kwa sababu shule haikuenda.maisha yenyewe ni shule,matatizo hasa ndiyo yanayomfundisha mwanadamu,kuna mengine yale yanayokosekana yakaonekana kama na yenyewe ni matatizo,sasa kama yakija na yenyewe kwa matatizo yake si utakata roho kabisa?labda ikiwa ni furaha..,maana kama kile kilichokuwepo kimekuwa tatizo basi hata  kisichokuwapo haina haja ya kukisumbukia maana tutaongeza matatizo tu.